ජනාධිපති අපේක්ෂකයන් ප්‍රවර්ධනය කළ හම්බන්තොට දිස්ත්‍රික්කයේ රාජ්‍ය නිළධාරීන් නව දෙනෙකු මැතිවරණ රාජකාරිවලින් ඉවත් කර තිබෙන බව හම්බන්තොට තේරීම්භාර නිලධාරී එච්.පී සුමනසේකර සඳහන් කරනවා.
අපේක්ෂකයින් ප්‍රවර්ධනය කරන බවට විදුහල්පතිවරු නවදෙනෙක්, නියෝජ්‍ය විදුහල්පතිවරයෙක්, ගුරුවරුන් සිව් දෙනෙක්, මහජන සෞඛ්‍ය පරීක්ෂකවරයෙක්, සමෘද්ධි කළමණාකරුවෙක් සහ වෛද්‍යවරුන් තුන්දෙනෙක් ඇතුළු රාජ්‍ය නිධාරින් 19 දෙනෙකු පිළිබඳව හම්බන්තොට දිස්ත්‍රික් මැතිවරණ ආරවුල් නිරාකරණ මධ්‍යස්ථානය වෙත පැමිණිලි ලැබී තිබිණි.
ඒ අනුව අවස්ථා කිහිපයකදී සිදුකළ විමර්ශනවලින් අනතුරුව එම නිලධාරීන් 19දෙනා අතුරින් නිලධාරීන් 9දෙනෙකු මැතිවරණ රාජකාරිවලින් ඉවත් කිරීමට පියවර ගෙන ඇත.
මෙලෙස මැතිවරණ රාජකාරියෙන් ඉවත් කළ රාජ්‍ය නිලධාරීන්වනුයේ විදුහල්පතිවරු 7ක්, මහජන සෞඛ්‍ය පරීක්ෂකවරයෙක් සහ නියෝජ්‍ය විදුහල්පතිවරයෙකි.
